БНР 96

251 подписчиков

Гісторыя БНР У выніку І-й Сусветнай вайны развалілася Расійская і Аўстра-Венгерская імперыі. У 1917-1918 г. у Еўропе ўтварыліся новыя незалежныя краіны: Венгрыя, Чэхаславакія, Польшча, Фінляндыя, Эстонія, Латвія, Літва, Беларусь (БНР), Украіна (УНР), Малдова, Грузія ды інш. Неабходнасць стварэння незалежнай беларускай дзяржавы была абвешчана на Усебеларускім з'ездзе, які пачаўся у снежні 1917 года у Менску. У ім удзельнічалі 1872 дэлегаты ад рабочых, інтэлігенцыі, сялян, салдат-франтавікоў і афіцэраў, дэлегаваных з усіх рэгіёнаў Беларусі. Аднак, калі з'езд прыняў рэзалюцыю аб стварэнні сваёй беларускай улады, расійскія бальшавікі сілай зброі сарвалі яго. Але выканкам з'езду прадоўжыў сваю працу ў падполлі. 19 лютага 1918 года, калі бальшавікі з-за набліжэння кайзераўскіх войскаў пачалі ўцякаць з Менску, беларускія ўзброеныя атрады ўзялі горад пад кантроль, і 9 сакавіка 1918 г. Выканкам Усебеларускага з'езду абвясціў стварэнне Беларускай Народнай Рэспублікі, а 25 сакавіка была абвешчана незалежнасць БНР. Улада БНР была хутка прызнана на большай частцы Беларусі. Аднак нямецкія акупанты сталі чыніць перашкоды беларускай адміністрацыі. Восенню 1918г. бальшавіцкая Расія пачала ўзброеную агрэсію супраць БНР, а вясной 1919 г. палякі пачалі наступ з захаду. У той час, калі ў Румыніі было заблакаванае сфармаванае шматтысячнае беларускае войска, на Беларусі завязаліся жорсткія баі паміж беларускім апалчэнцамі і расійскай Чырвонай арміяй. Сілы былі няроўныя, і у 1920 г. Беларусь, як і Украіна, была акупавана бальшавікамі, а потым падзелена паміж савецкай Расіяй і Польшчай. Законны урад БНР, прызнаны 8 краінамі свету, вымушаны быў прадоўжыць дзейнасць у эміграцыі, спачатку ў Вільні, Празе, потым у ЗША. Рада БНР дзейнічае да гэтага часу. Хутка 100:)