Вiртуальныя Тэхналёгii

Гурт “ВІРТУАЛЬНЫЯ ТЭХНАЛЁГІІ” быў заснаваны ў 2002-гім годзе школьнымі сябрамі. Дэбютаваў расейскамоўнай песняй у хіт-парадзе мясцовай FM-радыёстанцыі “Новае радыё Магілёў”. Напрацягу двух тыдняў першая песня гурта трымалася на першым месцы. У 2003-ім “ВІРТУАЛЬНЫЯ ТЭХНАЛЁГІІ” сталі вядомыя на ўсю Беларусь сапраўднаму хіт-баявіку “Кто ты, кто ты…”, які прарваўся ў жорсткую ратацыю на радыё “Бі-Эй”. Як галоўны крытэр якасці ўдзельнікі гурта выбралі… radio-all-formats. Наступныя два гады “ВІРТУАЛЬНЫЯ ТЭХНАЛЁГІІ” прысвяцілі шоў-бізнэсу Масквы. У 2004-м годзе хіт “Кто ты, кто ты…” з’явіўся ў эфіры маскоўскай радыёстанцыі “Радио «Юность». У 2005-ым трэк “Мечта” выйшаў на складанцы “НЕОН”-Хит. У гэты перыяд гурт актыўна супрацоўнічае з маскоўскім музычным часопісам “НЕОН”. Выступае ў “салянках” на маскоўскіх пляцоўках. Але ўсё больш і больш скептычна ставіцца да пабудовы маскоўскага шоў-бізнэсу. Апошняй кропляй стаў выступ у трохтысячнай залі забаўляльнага комплексу “На Тульской”. Вось як апісвае падзеі лідэр-вакаліст гурта Сяргей-VirTech: - Нас закінулі ў адну грымёрку памерам 4х15. Адразу 8 гуртоў. Былі “А-студио”, “Вирус”, Никита, “Саша-прожект”, “Шао-бао”, мы і яшчэ нейкія незразумелыя мясцовыя праекты. Такія шоў звычайна пачынаюцца а першай ночы, усе “угашаныя”, стомленыя, гэта было жорстка і бессэнсоўна. Тое, што мы бачым па тэлевізары, і тое, што ёсць насамрэч – гэта вялікая розніца”. Прыблізна ў гэты час з’явілася ідэя напісаць песню на беларускай мове. Першым хітом стала песня “Amur, Amur”, якая нечакана зноўжа трапіла ў эфір FM-радыёстанцый. З гэтага моманту пачаўся новы адлік у творчасці “ВІРТУАЛЬНЫХ ТЭХНАЛЁГІЙ”. Працяг… to be continued…