Прэзэнтацыя фільму "Беларускія справы" у ЕГУ

24 подписчиков

Маладзёвая ініцыятыва StudAlliance запрашае вас наведаць прэзэнтацыю фільма “Беларускія справы”, што адбудзецца 06.11.2009 а 18:00 у 301 аўдыторыі, у навучальным корпусе Эўрапейскага гуманітарнага універсітэту. Фільм распавядае пра дзейнасьць адной з найстарэйшых беларускіх арганізацый у Літве – Таварыства Беларускай культуры. У стужцы вы зможаце пабачыць гістарычныя кадры і легендарных асобаў, што актыўна ўдзельнічалі ў беларускім руху, а таксама пабачыць сёньняшні стан “беларускай справы” у Вільні. Фільм створаны Вольгай Мікалайчык. Вольга Мікалайчык – адзін з лепшых кінадакумэнталістаў у сёньняшняй Беларусі. На яе рахунку такія працы як “Сэрца за кратамі”, “Вызваленьне”. Пры наведваньні сустрэчы ў вас будзе шанец асабіста паразмаўляць з аўтарам, а таксама некаторымі героямі фільма. Задаць свае пытаньні. Прэзэнтацыю наведае і старшыня Таварыства Беларускай культуры ў Літве, чалец Рады Беларускай Народнай Рэспублікі – Хведар Нюнька. Шчыра запрашаем на кінапрагляд! 6 лістапада (пятніца) 18:00 301 аўд.