партызанскі атрад імя Канстанціна Астрожскага

На зыходзе 1512 года Маскоўская дзяржава распачала новую вайну за «исконно русские земли» - сучасные Беларусь і Ўкраіну, што ўваходзілі ў склад Вялікага Княства Літоўскага й пад уладаю Масковіі ніколі не былі. Вялікі князь Жыгімонт Стары здолеў сабраць пад свае сьцягі ў Менску толькі трохі болей за 30 тысяч ваяроў. Тут былі 16 тысяч коннікаў паспалітага рушаньня Вялікага Княства пад камандаваньнем славутага гетмана Канстанціна Астрожскага, 14 тысяч польскіх конных жаўнераў, тры тысячы найманай пяхоты й 2500 шляхцічаў-добраахвотнікаў з Польшчы. Асабліва слаўнай была перамога над амаль утрая большым маскоўскім войскам на рацэ Крапіўне пад Воршай 8 верасьня 1514 года. Бітва пад Воршай увайшла ў эўрапейскія хрэстаматыі з ваеннай гісторыі як абразчык удалае тактыкі змаганьня з нашмат перасяжнымі сіламі ворага, як прыклад вырашальнага ўплыву таленту й майстэрства вайсковага начальніка на вынік баталіі.