МІС ФОТА vialejka.org

49 подписчиков

Мінула лета, то сонечнае і гарачае, то мокрае і халоднае. Але, спадзяемся, надвор'е не перашкодзіла вам атрымаць самыя незабыўныя ўражанні, самыя яркія ўспаміны і, канешне, самыя прыгожыя фота ў бікіні, шортах, штанах ці футры... Ды гэта і неістотна, у чым. Галоўнае, каб вы былі самай прыгожай з тых, хто дашле фота на наш КОНКУРС ПРЫГАЖОСЦІ МІС ФОТА VIALEJKA.ORG. Пераможцу будзем выбіраць усе разам праз галасаваньне на сайце vialejka.org. Дасылайце свае фота, заходзьце на сайт самі і клічце сяброў. Там вы здолееце паглядзець, наколькі мала шансаў у вашых канкурэнтак, палюбавацца на сябе, каханую. Умовы. Карыстальнік можа дадаць толькі 1 фота. Прысутнасць на фотаздымку Міс абавязковае. Фота прымаюцца для ўдзелу на працягу верасня. Галасаванне будзе адбывацца з 1-га кастрычніка цягам 15-ці дзён (15-га ўключна). Усе галасы да гэтага перыяду будуць ануляваны. Фота павінна быць ў межах прыстойнасці; па-за імі - абмен фота з карыстальнікамі ў прыватным парадку. Узрост не абмежаваны, рост, вага, колер валасоў не маюць значэння . Галоўнае - лічыць, што вам варта ўдзельнічаць, што менавіта вы самая-самая прыгожая, прывабная, арыгінальная. Альбо жадаць даведацца, наколькі гэта так. Поспехаў!