«Студэнт у дзеянні!»

39 подписчиков

Моладзевая прафсаюзная група «Студэнцкая Рада» аб'яўляе новы набор на ўдзел у адукацыйнай праграме «Студэнт у дзеянні!». Праграма складаецца з 2-х трэнінгаў і ставіць за мэту – фармаванне актыўнай грамадзянскай пазіцыі ў студэнтаў. Да ўдзелу запрашаюцца студэнты ўсіх курсаў (у тым ліку і тыя, хто толькі сталі студэнтамі) мінскіх сярэдніх спецыяльных і вышэйшых навучальных устаноў, якія жадаюць дзейнічаць у абарону сваіх правоў. Адукацыйная праграма ўключае ў сябе наступныя тэмы: • Гісторыя з'яўлення і развіцця ўніверсітэтаў і студэнцтва; • Канцэпцыя Правоў Чалавека; • Студэнты ў жыцці грамадства; • Правы студэнтаў; • Механізмы абароны правоў студэнтаў. Па сканчэнні адукацыйнай праграмы, яе ўдзельнікі змогуць на практыцы ўжыць атрыманыя веды. Абодва трэнінгі пройдуць у канцы жніўня – пачатку верасня 2009 году. Працягласць першага трэнінгу – 1 дзень, другога трэнінгу – 2 дні. Пра больш дакладны час правядзення арганізатары апавесцяць адабраных удзельнікаў індывідуальна. Месца правядзення – г. Мінск. Для таго каб прыняць удзел у адукацыйнай праграме, неабходна запоўніць анкету ўдзельніка ( http://studanketa.youth-nis.org/Anketa_part.doc ) і даслаць яе па адрасе students.rada@gmail.com да 20 жніўня ўключна (пры неабходнасці – запытаць анкету па гэтым жа адрасе). Для ўдзельнікаў, якія прайшлі конкурсны адбор, навучанне бясплатнае, забяспечваецца харчаванне. Увага! Падыходзіць тэрмін сканчэньня прыём анкет. Калі вы зацікаўленыя ў удзеле, дашліце, калі ласка, запоўненую анкету на пазначаны адрас! Дадатковая інфармацыя: e-mail: students.rada@gmail.com http://community.livejournal.com/studrada/