студэнцкі творчы праект CREDO

423 подписчиков

Суполка для тых, хто ведае нас, і для тых, хто толькі пачынае свой шлях у кірунку да нас )) Нашыя ТРЫ каштоўнасьці: БОГ-ЧАЛАВЕК-БАЦЬКАЎШЧЫНА Па-першае, мы верым у БОГА. Бог для нас – не абстрактная катэгорыя, а крыніца заўсёднага натхнення і жыццёвых сіл. Ён ўзнімае нас на новыя вышыні. Ён змяняе нашу сутнасць, даруючы любоў да іншых людзей. Па-другое, мы верым, што кожны ЧАЛАВЕК каштоўны, важны і непаўторны. Мы верым, што Бог заклаў таленты ў кожнага. Наша мэта – адкапаць гэтыя таленты і дапамагчы кожнаму знайсці сябе. Для нас важна, каб кожны студэнт рэалізоўваў сябе, знаходзіў цікавыя знаёмствы, вучыўся працаваць у камандзе сярод "братоў па розуму" Па-трэцяе, мы верым, што наша БАЦЬКАЎШЧЫНА павінна быць свабоднай і квітнеючай краінай. Многія студэнты бачаць праблемы і з'язджаюць як мага далей ад Беларусі. Аднак мы верам, что Бог хоча "аднавіць разваліны". Для гэтага мы змяняем сябе і дапамагаем змяніцца іншым. Беларусі патрэбны прафесіяналы ва ўсіх сферах грамадства, якія будуць сумленна рабіць сваю справу. І канечне, мы лічым ганаровым размаўляць на роднай мове, а таксама вывучаць культуру і гісторыю нашай самабытнай краіны. Наш дэвіз: спазнаць Бога, адкапаць таленты, аднавіць разваліны! Калі тваё сэрца і думкі сугучны нашым – далучайся!!!