Канцэрт арганнай музыкі

У суботу, 13 чэрвеня 2009 г., у мінскім касцёле Найсвяцейшай Тройцы (Святога Роха) (пр. Незалежнасці, 44а) адбудзецца канцэрт арганнай музыкі ў выкананні вядомага нямецкага арганіста, кампазітара і дырыжора Ханса Гебхарда. Прапануем праграму канцэрта. Ханс Гебхард — арганіст, кампазітар і дырыжор з Гамбурга (Германія). Вывучаў царкоўную музыку і кампазіцыю ў Мюнхене (Міхаэль Шнайдэр, Ёзаф Хаас) і музыказнаўства ў нямецкім горадзе Кіль (Вальтэр Віёра). Працаваў гарадскім кантарам у горадзе Хоф (Баварыя) і музычным дырэктарам у касцёле святога Мікалая ў горадзе Кіль. Быў запрошаны на пасаду прафесара па класах харавое дырыжыраванне і арган у Вышэйшую музычную школу ў нямецкім горадзе Любек. З 2000 г. — старшыня музычнага рады Саюза нямецкіх канцэртных хораў. Ханс Гебхард з’яўляецца сталым госцем міжнародных арганных фестываляў, вядзе майстар-класы па аргану і імправізацыі. Выступае як дырыжор у канцэртных праграмах у Германіі і за межамі краіны. Неаднойчы ўваходзіў у склад журы на нацыянальных і міжнародных конкурсах. Мае ўзнагароды: прэмія ў галіне культуры сталіцы зямлі Шлезвіг-Гальштэйн г. Кіля (1980 г.), прэмія імя Гендэля («Händelring») Саюза нямецкіх канцэртных хораў (1996 г.). Праграма Дзітрых Букстэхудэ (1637–1707) Прэлюдыя фа-мажор, BuxWV 145 Іаган Себасцьян Бах (1685–1750) «Адзінаму Богу хвала на вышынях», BWV 662 Таката до-мажор, BWV 564: Toccata Adagio Fuge Фелікс Мендэльсон-Бартольдзі (1809–1847) Саната VI рэ-мінор, op. 65, Nr. 6 Варыяцыі да харала «Ойча наш» Fuge Finale Эдгар Аро (1911–1978) «Пяць кантрастаў» Франц Шмідт (1874–1939) Таката до-мажор, 1924 Паводле матэрыялаў orgelmomente.de