Харэ Крышна па-беларуску

Бхакці, альбо адданае служэньне Вярхоўнай Асобе Бога, – гэта навука. І як любая навука, яна складаецца з тэорыі і практыкі. Кнігі Шрылы Прабхупады простай, даступнай мовай апісваюць шлях да вышэйшае мэты жыцьця – аднаўленьне сваіх узаемаадносінаў з Госпадам і вяртаньне ў духоўны сьвет, наш спрадвечны дом. Шрыла Прабхупада хацеў, каб ягоныя кнігі былі перакладзены на ўсе мовы сьвету, каб кожны чалавек, дзе б ён ні жыў, меў магчымасьць рэалізаваць сваё вышэйшае прызначэньне, вывучаючы духоўную літаратуру на сваёй роднай мове. Мы лічым, што нарэшце надышоў час даць беларускамоўным жыхарам нашай краіны адчуць смак і асалоду нэктару кніг Шрылы Прабхупады. Спадзяёмся, што, ня гледзячы на ўсе хібы і памылкі, нашы шаноўныя чытачы, – і звычайныя людзі, і людзі з вышэйшай адукацыяй, – ацэняць менавіта само пасланьне ведычнай літаратуры і пачнуць кіравацца прынцыпамі адданага служэньня ў сваім жыцьці.